Draft:Mnesiepes inscription

How to quote this page

Show notes

Block Ε1 column Ι

………………………..κ]αὶ ὅτε
………………………..τῶν Π]αρίων
……………………..ι.…κρας
………………………..........
5 ……………………….....ον
……………………….....ι
. ……………………….....]ος

Block Ε1 column ΙΙ

Μνησιέπει ὁ θεὸς ἔ̣χ̣ρησε λῶιον καὶ ἄμεινον εἶμεν
ἐν τῶι τεμένει, ὃ κατασκευάζει, ἱδρυσαμένωι
βω̣μὸν καὶ θ̣ύοντι ἐπὶ τούτου Μούσαις καὶ Ἀπόλλ[ω]ν[ι]
Μουσαγέται καὶ Μνημοσύνει· θύειν δὲ καὶ καλλι-
5 ερεῖν Διὶ Ὑπ̣ε̣ρ̣δεξ̣ίωι, Ἀθάναι Ὑπερδεξίαι,
Ποσειδῶνι Ἀσφαλείωι, Ἡρακλεῖ, Ἀρτέμιδι Εὐκλείαι.
Πυθῶδε τῶι Ἀπόλλωνι σωτήρια πέμπειν[⁝]
Μνησιέπει ὁ θεὸς ἔχρησε λῶιον καὶ ἄμεινον εἶμεν
ἐν τῶι τεμένει, ὃ κατασκευάζει, ἱδρυσαμένωι
10 βωμὸν καὶ θύοντι ἐπὶ τούτου Διονύσωι καὶ Νύμφαις
καὶ Ὥραις· θύειν δὲ καὶ καλλιερεῖν Ἀπόλλωνι
Προστατηρίωι, Ποσειδῶνι Ἀσφαλείωι, Ἡρακλεῖ,
Πυθῶδε τῶι Ἀπόλλωνι σωτήρια πέμπειν[⁝]
Μνησιέπει ὁ θεὸς ἔχρησε λῶιον καὶ ἄμεινον εἶμεν
15 τι]μ̣ῶντι Ἀρχίλοχον τὸμ ποιητάν, καθ’ ἃ ἐπινοεῖ[⁝]

Χρήσαντος δὴ τοῦ Ἀπόλλωνος ταῦτα, τόν τε τόπον
καλοῦμεν Ἀρχιλόχειον καὶ τοὺς βωμοὺς ἱδρύμεθα
καὶ θύομεν καὶ τοῖς θεοῖς καὶ Ἀρχιλόχωι καὶ
τιμῶμεν αὐτόν, καθ’ ἃ ὁ θεὸς ἐθέσπισεν ἡμῖν.
20 Π]ερὶ δὲ ὧν ἠβουλήθημεν ἀναγράψαι, τάδε παρα-
δ]έδοταί τε ἡμῖν ὑπὸ τῶν ἀρχαίων καὶ αὐτοὶ πεπρα-
[γ]ματεύμεθα[⁝] Λέγουσι γὰρ Ἀρχίλοχον ἔτι νεώτερον
ὄντα πεμφθέντα ὑπὸ τοῦ πατρὸς Τελεσικλέους
εἰς ἀγρόν, εἰς τὸν δῆμον, ὃς καλεῖται Λειμῶνες,
25 [ὥ]στε βοῦν καταγαγεῖν εἰς πρᾶσιν, ἀναστάντα
π̣ρώιτερον τῆς νυκτό̣ς, σελήνης λαμπούσης,
[ἄ]γ̣ειν τὴμ βοῦν εἰς πόλιν· ὡς δ’ ἐγένετο κατὰ τὸν
[τ]όπον, ὃς καλεῖται Λισσίδες, δόξαι γυναῖκας
[ἰ]δ̣εῖν ἀθρόας· νομίσαντα δ’ἀπὸ τῶν ἔργων ἀπιέναι
30 αὐ̣τὰς εἰς πόλιν προσελθόντα σκώπτειν, τὰς δὲ
δ̣έ̣ξασθαι αὐτὸν μετὰ π̣αιδιᾶς̣ καὶ γέλωτος καὶ
[ἐ]π̣ερωτῆσαι, εἰ πωλήσων ἄγει τὴμ βοῦν· φήσαντος δέ,
[εἰ]πεῖν ὅτι αὐταὶ δώσουσιν αὐτῶι τιμὴν ἀξίαν·
[ῥη]θέντων δὲ̣ τούτων αὐτὰς μὲν οὐδὲ τὴμ βοῦν οὐκέτι
35 [φ]α̣νερὰς εἶναι, πρὸ τῶν ποδῶν δὲ λύραν ὁρᾶν αὐτόν·
[κα]ταπλαγέντα δὲ καὶ μετά τινα χρόνον ἔννουν
[γ]ε̣νόμενον ὑπολαβεῖν τὰς Μούσας εἶναι τὰς φανείσας
[κα]ὶ̣ τὴν λύραν αὐτῶι δωρησαμένας· καὶ ἀνελό-
[με]ν̣ον αὐτὴν πορεύεσθαι εἰς πόλιν καὶ τῶι πατρὶ
40 [τὰ] γ̣ενόμενα δηλῶσαι[⁝] Τὸν δὲ Τελεσικλῆν ἀκού-
[σα]ν̣τα καὶ τὴν λύραν ἰδόντα θαυμάσαι. καὶ πρῶτομ
[μὲ]ν ζήτησιν ποιήσασθαι τ̣ῆ̣ς β̣οὸς κατὰ πᾶσαν
[τὴ]ν̣ νῆσον καὶ οὐ δύνασθαι εὑρεῖν[⁝] Ἔπειθ’ ὑπὸ τῶν
[πο]λ̣ιτῶν θεοπρόπον εἰς Δελφοὺς εἰρημένον μετὰ
45 [Λυ]κάμβου χρησόμενον ὑπὲρ τῆς πόλεως, προθυμό-
[τ]ε̣ρον ἀποδημῆσαι βουλόμενον καὶ περὶ τῶν
[α]ὐ̣τοῖς συμβεβηκότων πυθέσθαι[⁝] Ἀφικομένων δὲ
[καὶ] εἰσιόντων αὐτῶν εἰς τὸ μαντεῖον τὸν θεὸν
[εἰ]πεῖν Τελεσικλεῖ τὸν χρησμὸν τόνδε⁝

50 [Ἀθ]ά̣νατός σοι παῖς καὶ ἀοίδιμος, ὦ Τελεσίκλεις,
[ἔ]σται ἐν ἀνθρώποισ̣ιν, ὃς ἂμ πρῶτός σε προσείπει
[ν]η̣ὸς ἀποθρώισκοντα φίλην εἰς πατρίδα γαῖαν. Cf. AP 14.113: Ἀθάνατός σοι παῖς καὶ ἀοίδιμος, ὦ Τελεσίκλεις,/ ἔσσετ’ ἐν ἀνθρώποισιν, ὃς ἂν πρῶτός σε προσείπηι/ νηὸς σῆς ἀποβάντα φίληι ἐν πατρίδι γαίηι.
Παραγενομένων δ’ αὐτῶν εἰς Πάρον τοῖς Ἀρτε-
μ̣ισίοις πρῶτον τῶμ παίδων Ἀρχίλοχον ἀπαν-
55 τ̣ήσαντα προσειπεῖν τὸν πατέρα· καὶ ὡς ἦλθον
οἴκαδε, ἐρωτήσαντος τοῦ Τελεσικλέους, εἴ τι τῶν
ἀ̣νανκαίων ὑπάρχει, ὡς ἂν ὀψὲ τῆς ἡμέρας

Block E1 column III

[lines 1-5 missing]
ΕΙ
ΟΙ
ΑΡ

Relevant guides	Archilochus