Living Poets

{{DISPLAYTITLE:Aristophanes, ''Acharnians'' 5-8; Scholion to Aristophanes’ ''Acharnians'' 8a}}
{{#howtoquote:}}{{#togglenotes:}}
<div class="textwithtranslation">

<div class="orig">{{AppCritAbbr}}
{{#chapternum: 1}}
'''Aristophanes, ''Acharnians'' 626-64'''

ἁνὴρ νικᾶι τοῖσι λόγοισιν, καὶ τὸν δῆμον μεταπείθει<br />
περὶ τῶν σπονδῶν. ἀλλ’ ἀποδύντες τοῖς ἀναπαίστοις ἐπίωμεν.<br />
ἐξ οὗ γε χοροῖσιν ἐφέστηκεν τρυγικοῖς ὁ διδάσκαλος ἡμῶν,<br />
οὔπω παρέβη πρὸς τὸ θέατρον λέξων ὡς δεξιός ἐστιν·<br />
διαβαλλόμενος δ’ ὑπὸ τῶν ἐχθρῶν ἐν Ἀθηναίοις ταχυβούλοις,<br />{{#linenum: 630}}
ὡς κωμωιδεῖ τὴν πόλιν ἡμῶν καὶ τὸν δῆμον καθυβρίζει,<br />		
ἀποκρίνασθαι δεῖται νυνὶ πρὸς Ἀθηναίους μεταβούλους.<br />
φησὶν δ’ εἶναι πολλῶν ἀγαθῶν ἄξιος ὑμῖν ὁ ποιητής,<br />
παύσας ὑμᾶς ξενικοῖσι λόγοις μὴ λίαν ἐξαπατᾶσθαι,<br />
μήδ’ ἥδεσθαι θωπευομένους, μηδ’ εἶναι χαυνοπολίτας.<br />{{#linenum: 635}}
πρότερον δ’ ὑμᾶς ἀπὸ τῶν πόλεων οἱ πρέσβεις  ἐξαπατῶντες<br />			
πρῶτον μὲν “ἰοστεφάνους” ἐκάλουν· κἀπειδὴ τοῦτό τις εἴποι,<br />
εὐθὺς διὰ τοὺς στεφάνους ἐπ’ ἄκρων τῶν πυγιδίων ἐκάθησθε.<br />
εἰ δέ τις ὑμᾶς ὑποθωπεύσας “λιπαρὰς” καλέσειεν “Ἀθήνας”,<br />
ηὕρετο  πᾶν ἂν διὰ τὰς λιπαράς, ἀφύων τιμὴν περιάψας.<br />{{#linenum: 640}}
ταῦτα ποιήσας πολλῶν ἀγαθῶν αἴτιος  ὑμῖν γεγένηται<br />
καὶ τοὺς δήμους  ἐν ταῖς πόλεσιν, δείξας ὡς δημοκρατοῦνται.<br />
τοιγάρτοι νῦν ἐκ τῶν πόλεων τὸν φόρον ὑμῖν ἀπάγοντες<br />
ἥξουσιν ἰδεῖν ἐπιθυμοῦντες τὸν ποιητὴν τὸν ἄριστον,<br />
ὅστις παρεκινδύνευσ’ εἰπεῖν ἐν Ἀθηναίοις  τὰ δίκαια.<br />{{#linenum: 645}}
οὕτω  δ’ αὐτοῦ περὶ τῆς τόλμης ἤδη πόρρω κλέος ἥκει,<br />		
ὅτε καὶ βασιλεὺς Λακεδαιμονίων τὴν πρεσβείαν βασανίζων<br />
ἠρώτησεν  πρῶτα μὲν αὐτοὺς πότεροι ταῖς ναυσὶ κρατοῦσιν,<br />
εἶτα δὲ τοῦτον τὸν ποιητὴν ποτέρους εἴποι κακὰ πολλά·<br />
τούτους γὰρ ἔφη τοὺς ἀνθρώπους πολὺ βελτίους γεγενῆσθαι<br />{{#linenum: 650}}
καὶ τῶι πολέμωι πολὺ νικήσειν τοῦτον ξύμβουλον ἔχοντας.<br />
διὰ τοῦθ’ ὑμᾶς Λακεδαιμόνιοι τὴν εἰρήνην προκαλοῦνται<br />
καὶ τὴν Αἴγιναν ἀπαιτοῦσιν· καὶ τῆς νήσου μὲν ἐκείνης<br />
οὐ φροντίζουσ’, ἀλλ’ ἵνα τοῦτον τὸν ποιητὴν ἀφέλωνται.<br />
ἀλλ’ ὑμεῖς τοι μήποτ’ ἀφῆσθ’ · ὡς κωμωιδήσει τὰ δίκαια·<br />{{#linenum: 655}}
φησὶν δ’ ὑμᾶς πολλὰ διδάξειν ἀγάθ’, ὥστ’ εὐδαίμονας εἶναι,<br />
οὐ θωπεύων οὐδ’ ὑποτείνων μισθοὺς οὐδ’  ἐξαπατύλλων,<br />
οὐδὲ πανουργῶν οὐδὲ κατάρδων, ἀλλὰ τὰ βέλτιστα διδάσκων.<br />
πρὸς ταῦτα Κλέων καὶ παλαμάσθω<br />
καὶ πᾶν ἐπ’ ἐμοὶ τεκταινέσθω.<br />{{#linenum: 660}}
τὸ γὰρ εὖ μετ’ ἐμοῦ καὶ τὸ δίκαιον<br />
ξύμμαχον ἔσται, κοὐ μή ποθ’ ἁλῶ<br />
περὶ τὴν πόλιν ὢν ὥσπερ ἐκεῖνος<br />
δειλὸς καὶ λακαταπύγων.<br />							

</div>

<div class="trans">
{{#chapternum: 1}}
</div>

<div class="orig">
{{#chapternum: 2}}
'''Scholion to Aristophanes’ ''Acharnians'' 8a'''

αὐτός τ’ ἐμαυτὸν ὑπὸ Κλέωνος ἅπαθον
ἐπίσταμαι διὰ τὴν πέρυσι κωμωιδίαν.
εἰσελκύσας γάρ μ’ εἰς τὸ βουλευτήριον
διέβαλλε καὶ ψευδῆ κατεγλώττιζέ μου
κἀκυκλοβόρει κἄπλυνεν, ὥστ’ ὀλίγου πάνυ
ἀπωλόμην μολυνοπραγμονούμενος.
</div>

<div class="trans">
{{#chapternum: 2}}
</div>

</div><div style="clear:both"></div>

{{CollectionsBox
|editor=Sarah Burges Watson
|guides=[[Aristophanes: A Guide to Selected Sources|Aristophanes]]
}}

{{#set:Short title=Aristophanes, ''Acharnians'' 5-8; Scholion to Aristophanes’ ''Acharnians'' 8a}}

[[Category:Aristophanes Collections]]